Convocatoria Arte + Escuela 2026/2027
L’añu pasáu acabamos encantaes col procesu y el resultáu del programa ARTE + ESCUELA:tres escueles rurales y tres artistes asturianes de múltiples disciplines demostraron una forma distinta de deprender.
Y lo bono, ¿por qué nun lo repetir?
Información clave
- ¿Pa quién? Centros educativos públicos que quieran incorporar un proyectu d’arte+educación pal cursu 2026/27.
- Fin de convocatoria:llunes 9 de payares a les 23:59h.
- Bases convocatoria.
- Formulariu d’inscripción.
- Dudes:mediacion@labenefica.orgy reunión online (enllaz equí) elmartes 27 d’ochobre a las 18h
🗓 Convocatoria
Esta convocatoria ta destinada a desendolcar tres proyectos d’arte+educación pal cursu 2026/27 en centros educativos públicos de primaria y secundaria en collaboración con artistes mozos y moces d’Asturies.
Pueden presentase centros públicos de Primaria, Educación Secundaria Obligatoria, Bachilleratu, FP básica y Ciclos Formativos de grau mediu y superior d’Asturies.
🎯 Oxetivos
- Introducir la educación artística na escuela:Esti programa nun trata d’enseñar a facer arte sinón d’aprender pente medies del arte.
- Conectar la escuela col territoriu: Trabayar con centros educativos asitiaos en zones rurales y periurbanes pa, precisamente, reivindicar les oportunidaes qu’ofrecen les escueles rurales como espacios innovadores frente a los retos contemporáneos.
En qué consiste
Esti programa propón realizar tres proyectos artísticos en tres aules de tres centros diferentes. Cada centru va llevar alantre ún de los proyectos nun aula n’horariu llectivu y va contar cola participación d’un/una artista que va guiar el procesu y d’un mediador que va coordinar el proyectu y facilitar la relación ente l’artista y el centru.
El programa tamién inclúi un alcuentru ente los centros seleccionaos pa compartir aprendizaxes y la publicación d’unos materiales pedagóxicos que permitan la replicabilidá de los proyectos.
Proyectos a escoyer
Un matu.
Facer cine dende’l problema
(Rodrigo Agüeria, Sariego, 1995)
Disciplina: Cine
Temática: Identidá, Territoriu
Sueños de metal.
Mitoloxía y ficción pa entender el mundu qu’habitamos
(Alba Matilla, Avilés, 1998)
Disciplina:Escritura, Fanzine, Radio
Temática: Mitoloxía, Patrimoniu industrial
Arqueoloxía de
la memoria.
Una mirada al pasáu dende los oxetos, el paisaxe y la tresmisión.
(Irene Faza, Piloña, 1995)
Disciplina:Arqueoloxía, Antropoloxía
Temática:Memoria, Paisaxe, Cultura tradicional
💌 ¿Yes un centru y quies participar?
Pa participar nesta convocatoria namás fai falta lleer atentamente les bases y rellenar el formulariu siguiente. Ye mui importante que, amás de rellenar los campos solicitaos, s’axunte la carta de compromisu (versión n’asturianu) firmada pola dirección del centru aceptando les condiciones de participación y el so compromisu col programa.
La convocatoria va tar abierta hasta’l día llunes 9 de payares a les 23:59h.
Pa resolver dudes puntuales, puedes escribir a mediacion@labenefica.org
Amás, va facese una xunta online (enllace equí) el martes 27 d’ochobre a les 18h pa presentar la convocatoria y resolver dudes en directo.
