Cursos de bailLe y teatrU 26-27
Cola llegada d’ochobre y l’entamu del cursu, vuelven les actividaes de continuidá a La Benéfica, ¡vuelven les nuestres estraescolares favorites! Ye la escusa perfecta pa poder venos toles selmanes y esfrutar xuntes del teatru, el baille y la pandereta.
BAILLE Y
PANDERETA
Y, como nun podía ser d’otra manera, siguimos pa bingu coles clases debaille y pandereta de Santi Galguera,acompañáu, como’l cursu pasáu,por Marco Zarabozo.
Les clases entamen n’ochobre y van ser los llunes pela tarde, manteniéndose los horarios:
- Marco va tar al mandu de La Benéfica: baille pa los peques a les 16.30 h. Amás, tamién va haber sitiu pa los adultos: a les 17.30 h pandereta d’iniciación y a les 18.30h baille d’iniciación.
- Santi va encargase de la Sala Polivalente: nivel intermediu de baille a les 18.30 h, baille avanzáu a les 19.30 h y pandereta avanzada a les 20.30 h.
Les inscripciones y los precios podéis consultalos per WhatsApp con Marco: 610 061 074.
Nos encanta ver que la tradición sigue muy, muy viva.
L'ESTAME
ESPACIU
SELMANAL DE
CREACIÓN TEATRAL
L’ESTAME ¡un espaciu de creación teatral! vuelve a L’Infiestu dempués del éxitu del cursu pasáu, que remató con una pieza creada polos alumnos y que foi un éxitu rotundu.
Un espaciu de creación teatral selmanal, nel que’l director y dramaturgu Sergio Martínez Vila va acompañar a los participantes, al traviés del cultivu de práctiques escéniques, hacia la creación d’una puesta n’escena colectiva que se va enseñar al final del procesu.
Les clases van ser los miércoles de payares a mayu, de 18:00h a 20:00 h, con un coste de 25 €/mes. Nun fai falta tener esperiencia, pero sí ganes de xugar y pasalo bien nesti espaciu de creación escénica.
Más información:
- Pa mayores de 16 años.
- Inscripciones y dudes:687485043 (vía Whatsapp)
