Fundada en 1936 por trabayadores anarquistes, Mujeres Libres foi una organización anarcosindicalista que defendió la emancipación femenina, l’antifascismu y la revolución social, un movimientu que buscaba lliberar a les muyeres de la triple «esclavitú d’ignorancia, de muyer y de productora», y que llegó a axuntar más de venti mil afiliaes nos tres años d’existencia. LIBRES!!! trai al presente los sos nomes, la so audacia, la so rebeldía y el so compromisu cola llibertá y la igualdá nuna propuesta que busca trazar una xenealoxía de muyeres lliberaes, llibertaries… y disfrutones, muyeres que güei podríen dicinos a toes: Da-y al to cuerpu anarquía, Macarena.

Nun tiempu, l’actual, saturáu de narratives de colapsu y distopía, LIBRES!!! reivindica la potencia d’una utopía allegre, descarada, macarra y musical que, n’escena, apropia’l llinguaxe del cabaré y d’aquelles canciones de les psicalíptiques, reines llúbriques del cuplé y les varietés en salones, teatros y tugurios que-y sacaron la llingua al patriarcáu y imaxinaron otres maneres de vivir, de rellacionase y de ser muyeres.

Escrita porEsther F. Carrodeguasy dirixida porAndrés Lima, LIBRES!!! ye una coproducción de Teatro del Barrio col Comisionáu pa la Celebración de los 50 años d’España en Llibertá.

Al ritmu del cabaré y con una clara vocación popular, LIBRES!!! trai al presentela historia y les lluches de toa una xenealoxía de muyeres llibres y llibertaries col oxetivu d’abrir fisures y, oxalá, desactivar l’actual colapsu d’imaxinación política nel que nos atopamos.

REPARTO

Alba Flores /Laura Galán /Nüll García /Eva Valdelomar