El Futuru Entama Equí: Llaboratoriu d’utopíes comuñale
¿Imaxines un futuru construyíu
dende la creatividá, la esperanza
y l'acción en comuña?
Proponémoste un espaciu colectivu de creatividá, escucha, espresión y acción pa construyir futuros esperanzadores énte la crisis ecosocial.
L’itinerariu consiste en cuatro sesiones, ente setiembre 2025 y xineru 2026, coles etapes que se señalen darréu:
- SUAÑA: Vamos viaxar al futuru y esplorar narratives esperanzadores dende la creatividá. (27 setiembre)
- REFLEXONA: Vamos tornar al presente pa indagar y pescanciar meyor la crisis ecosocial d’anguaño. (25 ochobre)
- SIENTE: Vamos xenerar un espaciu colectivu d’escucha y espresión. (29 payares)
- ACTÚA: Vamos ellaborar propuestes d’acción comuñal. (24 xineru)
Si vives n’Asturies, tas esmolecida pola situación del nuestru territoriu anguaño y quies garrar fuerza pa puxar colectivamente, esti ye’l to espaciu. De baldre, con inscripción antemanada y abierta a persones de toles edaes.
Etapa 4: ACTÚA
24 de xineru
Programa:
- 10:30 – Acoyida y introducción.
- 11:00 – Tocamos tierra: Activación
- 11:15 – Conectámonos: Resultáos d’Una Gran Conversación
- 11:30 – Moldiamos lo posible: Idees pa l’acción comunitaria
- 13:30 – Orientámonos xuntes: Oráculu colectivu de futuros posibles
- 14:00 – El mesmu platu: Xinta popular
- 15:00 – Pinchada utópica: Música y baille pa tol mundu
El 24 de xineru llegamos a la etapa final del nuestru viaxe. Depués de soñar, analizar y emocionanos xuntes, ye’l momentu de l’acción. Nesta sesión vamos ellaborar propuestes d’acción comunitaria, dende’l presente de los nuestros territorios y con una mirada utópica p’hacia un futuru meyor.
Nesta ocasión acompáñennos les compañeres d’Una Gran Conversación, un procesu que se desendolca n’Asturies de manera paralela al nuestru Llaboratoriu d’Utopíes. Contaránnos los resultaos del so viaxe y, dende ellos, vamos partir pa dar forma a les idees que fueron surdiendo nesti camín compartíu.
Depués,vamos regalanos una llectura colectiva del nuestru Oráculu de Futuros Posibles (sí, el que creamos na primer etapa: SUEÑA), como brúxula pa guiar los nuestros pasos dende’l presente escontra eses propuestes d’acción.
Pa zarrar y como fin de fiesta, proponémosvos una xinta popular, na que cada persona pue traer dalgún platu pa compartir, y un baille col que poder poner un cierre tan guapu como’l procesu vivíu. Esperámoste’l 24 de xineru en La Benéfica de Piloña.
Ven a indagar colectivamente sobre propuestes pa l’acción comunitaria.
Información práctica
L’actividá ta organizada por: La Benéfica / Altekio / Oxfam nel marcu del proyectu Imagining Just Climate Futures.
Accesibilidá: Esta actividá ta pensada pa ser accesible y adaptase a distintes necesidaes (físiques, sensoriales, cognitives, llingüístiques, alimentaries, etc.).
Si precises dalgún sofitu específicu, indícalo nel formulariu. La to respuesta va ayudanos a adaptar l’espaciu, les dinámiques y los materiales pa que la esperiencia seya accesible y cómoda pa toles persones.
Espaciu de conciliación infantil: De manera paralela a la xornada, va haber un espaciu dinamizáu pa facilitar la conciliación.
Si vienes con menores de 12 años, por favor indícalo nel formulariu y dinos cuántes personines vienen.
Reservas: Convidámoste a xunite a esti viaxe escontra la utopía completando esti formulariu. La inscripción ye obligatoria, yá que l’aforu ye llindáu. Les persones menores de 12 años han dir acompañaes d’una persona adulta.
Etapa 3: SIENTE
29 de payares
Programa:
- 10:30 · Acoyida y introducción
- 11:00 – 11:30 · Activación: ¡Bingu lloco!
- 11:30 – 13:30 · Foru Abierto
Facilitáu por Altekio. - 13:30 – 14:00 · Conexón cola acción
Na nueva etapa de El Futuru Entama Equí: Llaboratoriu d’Utopíes Comunitaries, proponemos un espaciu colectivu d’escucha y espresión orientáu a l’acción comunitaria.
Al traviés d’un Foru Abiertu vamos indagar colectivamente sobre la necesidá de l’acción colectiva y individual pa facer frente a los retos ecosociales, partiendo de delles entrugues:
¿Cómo vivimos el contestu actual de crisis? ¿Sientes ansiedá o paralíceste cuando pienses nesti tema? ¿Prefieres nun pensalo y siguir col día a día? ¿Hai espaciu pa la esperanza activa? ¿Sientes inquietú por pasar a l’acción?
Esti Foru Abiertu va navegar sobre estes reflexones, tratando d’apurrir más conciencia y información, dende un espaciu seguru y inclusivu.
Va tar facilitáu por Conchi Piñeiro y Laura Lucio, d’ Altekio, Iniciativas escontra la Sostenibilidad, S. Coop. Mad .
Etapa 2: REFLEXONA
25 de ochobre
Programa:
- 10:30 – Acoyida y presentación
- 11:00 – 11:30 · Tocamos tierra: aterrizaxe col cuerpu
- 11:30 – 11:45 · ¿Qué futuros suañamos en comunidá?
Presentación de resultaos de SUAÑA. - 11:45 – 13:15 · Semiente del futuru.
Esperiencies utópiques del presente. - 13:15 – 13:45 · Collecha d’idees pa l’acción en comuña.
Facilitáu por Altekio.
Ven a pescudar colectivamente sobre propuestes pa l’acción a comuña.
Etapa 1: SUAÑA
27 de setiembre
Programa:
- 10:30 – Acoyida y presentación.
- 11:00 – 14:00 · Taller d’Escenarios de Futuru
Facilitáu por Altekio y Territorio Emocional. Una esperiencia participativa y vivencial pa esplorar el futuru que naguamos habitar. - 14:00 – 15:30 · Xinta popular
Convidámosvos a trayer daqué pa compartir ente les persones participantes nel taller. - 15:30 – 18:30 · Taller de Creatividá y Fanzine
Facilitáu por Raposu Roxu, cola intervención de Decorazón, Adrián O. Lozano y Laura Bitxo. Un taller prácticu y artísticu onde les idees xeneraes pela mañana van garrar forma en papel, imáxenes y palabres pa construyir un Fanzine del futuru pol que naguamos.
Ven a suañar, imaxinar y crear futuros posibles en comunidá.
