Arrancamos esti setiembre y principiu de cursu con nuevos escomienzos de la nuestra radio. Depués d’un añu de proyectos artísticos de radio n’escueles y institutos, residencies de podcast pa la mocedá, talleres abiertos de guion y esperimentación sonora y un programa selmanal d’entrevistes, esti branu decidimos formar un Grupo de Radio coles Anes, les Laures, Toño y María pa pensar el futuru de Radio Barullu.

Queremos que Radio Barullu avance p’hacia una radio comunitaria más participada y dinámica. Y ye que nos fai muncha muncha muncha ilusión facer realidá esti sueñu de contar con una radio comunitaria en Piloña. Vamos dir contándovos más sobre los nuestros próximos pasos pero por agora queremos convidavos a una actividá-taller-presentación-alcuentru-fiesta que vamos facer el próximu sábadu 26 de setiembre en Chigre La Maléfica con, nada más nin nada menos que Radio QK. Punxímos-y el nome de Participa nel Barullu: Taller de radio abiertu, porque queremos xuntanos alredor de los micrófonos y grabar tolos pensamientos, recuerdos y sentimientos que pasen peles vuestres cabeces. Quién sabe, a lo meyor decidís quedar y axuntavos a la nuestra radio…