Muestra de cine en Piloña: La Benefílmica
Esti setiembre llega a Piloña una iniciativa cultural que naz de dientro: un grupu de vecines y vecinos del conceyu, profesionales del cine n’activu, xuntáronse pa pensar y organizar esta primer Muestra de cine. Una propuesta cinematográfica que se piensa, se curia y se caltién dende’l propiu territoriu, col mesmu espíritu d’alcuentru y sofitu mutuu que dio orixe al edificiu de La Benéfica nel 1926.
La Benefílmica ye’l nome qu’engloba, d’equí p’alantre, toles actividaes de cine de La Benéfica, y esta muestra de setiembre ye la primer gran cita.
A lo llargo de tres xornaes —4, 5 y 6 de setiembre—, la muestra articula un alcuentru que viaxa al traviés del cine, la memoria y el territoriu. Cada xornada combina una sesión nel interior del teatru de La Benéfica, en L’Infiestu, con otra itinerante y esterior, que se desplaza a los praos de dellos pueblos piloñeses, averando’l cine d’autor y de branu a quien nun suel tener una gran pantalla cerca de casa. Esto ye posible gracies a la collaboración con Estamos de Cine, el serviciu de cine itinerante de Mucho Foco en lo Rural, que pon a disposición tanto una gran pantalla profesional como’l soníu y equipu técnicu necesarios.
La Benefílmica tamién fortalez llazos col texíu asociativu del territoriu: per un llau cola Plataforma Salvemos Peñamayor, con quien compartimos una sesión especial o actividá periférica sobre lluches pol territoriu; y con Borines Manantial de Cultura, con quien organizamos una xornada de curtiumetraxes y una visita a la esposición y mercáu d’arte “Artistes Benéficos” nel so últimu fin de selmana.
Y porque la cultura ye un derechu, non un luxu, toles sesiones funcionen con taquilla inversa: paga lo que consideres xusto o lo que puedas. Asina garantizamos que la muestra se caltenga económicamente y, al empar, que nengún bolsu quede fuera.
Información práctica
Feches:
Muestra de cine: 4, 5 y 6 de setiembre del 2026
Actividaes perifériques: 1 y el 5 de setiembre del 2026
Allugamientos:
Sesiones interiores na sala Teatru de La Benéfica en L’Infiestu
Sesiones itinerantes al aire llibre:prau La Meredal (Bar-tienda, Maribel) de Vegarriondayprau El Pielgu (Donde la fiesta, Antrialgo).
Actividades perifériques:Antiguo Balneario de BorinesyÁrea recreativa de La Cueva
Taquilla inversa:el preciu de la entrada ye llibre, a voluntá de cada persona asistente.
Aforu llendáu:l’aforu de cada sesión ta llendáu al númberu de sielles disponibles.
¡Trae la siella!:nes sesiones itinerantes nos pueblos, cada asistente tien de trayer la so propia siella, yá que’l festival nun dispón de sielles pal públicu nestes llocalizaciones..
DÍA UNO
Un viaxe universal
“El Cosmos es todo lo que es, o lo que fue, o lo que será alguna vez.” (Carl Sagan)
Pa la primer xornada de la muestra, proponemos un viaxe fílmicu al traviés del espaciu y el tiempu. Dende la oriella del océanu cósmicu percorreremos llugares estraños, fermosos y desolaos; llugares que superen la nuestra comprensión y nos inviten a averanos al más grande de los misterios.
18.00 (puertes: 17.30), La Benéfica de Piloña
Concierto de Bromo + Sorpresa
La sesión inaugural de la Muestra ye un conciertu de Bromo, ún de los proyectos más interesantes de la electrónica audiovisual española, formáu en 2017 por Paloma Peñarrubia, vecina de Piloña, xunto a Azael Ferrer. Una propuesta de música esperimental y arte xenerativu onde eclosionen soníos contundentes, testures orgániques, paisaxes imposibles y naturaleces reinterpretaes.
Presenten “CRISPR the pattern of life”, una propuesta de música esperimental y arte xenerativo onde eclosionen soníos contundentes, textures orgániques y naturaleces reinterpretaes qu’adientren al espectador pel universu de la bioloxía sintética y la filosofía de la evolución.
El directu va dir acompañáu y xuníu a una proyección sorpresa, especialmente esbillada pa fundise cola propuesta artística del duu audiovisual.Presentan “CRISPR the pattern of life”, una propuesta de música experimental y arte generativo donde eclosionan sonidos contundentes, texturas orgánicas y naturalezas reinterpretadas que adentran al espectador por el universo de la biología sintética y la filosofía de la evolución.
Presenta: Paloma Peñarrubia |Sin coloquio
La partitura del cosmos
Despidimos esta primera xornada con un fascinante documental musical y científicu protagonizáu pola pionera de la música electrónica Suzanne Ciani. La película viaxa al Institutu d’Astrofísica de Canaries pa esplorar un esperimentu tan poéticu como real: la tresformación de les vibraciones de les estrelles y les galaxes en música. Xunto a artistes como Midori Takada, Pierre Bastien, Suso Saiz o Paloma Peñarrubia,la película axunta poéticamente disciplines como l’astronomía, el soníu y la creación contemporánea.
Coloquiu con:Paloma Peñarrubia (artista sonora) |Presenta: Laura Lucio (Altekio S.Coop)
DÍA dos
Un viaxe feríu
“Un país sin cine documental es como una familia sin álbum de fotografías” (Patricio Guzmán)
Nel ecuador de la muestra, el viaxe torna y adéntrase nel nuestru fráxilmundu al traviés de les grietes que dexó abiertes la represión franquista. Llugares de llucha, d’ausencia, de derrota y de llargu silenciu que vuelven a mirase, col deséu de caltener viva la memoria y construyir puentes p’hacia’l futuru.
18.00 (puertes: 17.30), La Benéfica de Piloña
luna
Entamamos la xornada con un ensayu documental nel que’l cineasta asturianu, natural de Ribeseya,cartografía la cara oculta del so propiu álbum familiar como pretestu pa cuntar la hestoria recién d’un país.
Pablo reconstrúi en primer persona y con espíritu d’artesanu la memoria de los sos ancestros,represaliaos na dictadura de Franco. Un viaxe fílmicu ente xeneraciones al traviés d’archivos personales, documentos públicos y nun recorríu presencial polos llugares onde vivieron en carnes propies la represión, la cárcel y l’exiliu.
Coloquiu con Pablo Casanueva (director) | Presenta: Jorge Rojas
La marsellesa de los borrachos
La segunda xornada remata con dos viaxes de branu que dialoguen nesti documental sobre ruedes al traviés de la memoria hestórica, la música tradicional y l’archivu sonoru.
El primer viaxe emprendiólu nel 1961 el grupu Cantacronache: un colectivu italianu qu’atravesó’l norte d’España en plena dictadura pa grabar, difundir y internacionalizar cantares populares de la resistencia. El segundu viaxe emprendíu, sesenta años dempués y poles mesmes carreteres, un equipu de rodaxe comandáu por Pablo Gil Rituerto, entrugándose qué permanez vivo d’aquellos cantares y de les persones que los cantaron, conformando una xeografía emocional y política d’un territoriu onde les firíes del pasáu siguen abiertes.
P’abrir la proyección, el Coru Mineru de Turón van interpretar dellos d’estos cantares en directo.
Coloquiu conPablo Gil Rituerto (director), Leticia Baselgas y Rubén Bada (músicos) |Música en directu: Coru Mineru de Turón |Presenta: Tomás Ybarra
DÍA tres
Un viaxe ocultu
“Si abriéramos a las personas, encontraríamos paisajes adentro.” (Agnes Varda)
Rematamos el nuestru particular viaxe fílmicu aterrizando na cara oculta de nós mesmos. Aquellos llugares comunes y momentos cotidianos que davezu pasen desapercibíos, permanecen escondíos o damos por sentaos, y qu’emerxen a la superficie al parase frente a ellos y observalos con calma. Estos llugares, al sentise miraos y escuchaos dende nueves perspectives, regálennos al empar nueves oreyes y nuevos güeyos.
12.00, La Benéfica de Piloña
Sueños y pan
Abrimos la nuestra cabera xornada siguiendo’l particular viaxe de dos mozos que roben un cuadru pensando que va camudar les sos vides. Una travesía traxicómica per galeríes d’arte, descampaos y bloques de barrios periféricos de Madrid, qu’al empar ye la ópera prima de Luis “Soto” Muñoz, un mozu director sevillanu que debutó nel llargometraxe con esta obra de cine quinqui revisitáu na máxima espresión, ye dicir, rodada ensin más recursos que les ganes de vela fecha realidá.
Coloquiu con Luis “Soto” Muñoz(director) | Presenta: Jorge Rojas.
13.30, chigre la maléfica
sesión vermú
Pa tomar un respiru ente sesiones, vos invitamos a averavos al chigre La Maléfica, na Cai del Quesu, 11 (a 5 minutos de La Benéfica).
18.00, La Benéfica de Piloña
Cristina García Rodero: La mirada oculta
Ferozmente independiente, aclamada pola crítica y autodidacta, la fotógrafa manchega Cristina García Rodero dió testimoniu a lo llargo de mediu sieglu d’una España insólita, pero los sos estensos reportaxes, ensin priesa y dende dientro, tamién buscaron otres cultures y realidaes velaes.
Un viaxe en forma de retratu íntimu dirixíu por Carlota Nelson y Tomás Ybarra a la cámara, piloñeses d’adopción, que tamién ye una reflexón sobre la mirada y la perseverancia d’una de les fotógrafes más importantes del nuestru tiempu. Y ye qu’actualmente Cristina sigue documentando cola mesma curiosidá que fai cincuenta años cómo se celebra la vida, l’amor, la guapura y la muerte nel mundu. Aquello que mueve y remueve l’alma, l’espíritu y el cuerpu humanu.
Presentación y coloquiu conCarlota Nelson (directora) y Tomás Ybarra (director de fotografía).
Actividaes Perifériques
Hija de la laguna
L’aclamáu documental peruanu dirixíu por Ernesto Cabellos Damián, narra la hestoria de Nélida Ayay Chilón, una muyer de los Andes que se comunica colos espíritus del agua. Ella usa la so voz pa defender la llaguna que considera la madre frente a una gran minera d’oru.
Presentación y coloquiu:Asamblea de Piloña de Salvemos Peñamayor
A les 11h visita a la esposición y mercáu d’arte “Artistes Benéficos” en rebaxes, ¡nun pierdas la oportunidá de mercar una obra d’arte!
12:30h Especial Curtiometraxes en Piloña:
Nana Dee (Marta Sniezek, Momo Willet, 2023)
Nana Dee enfrenta la soledá del tiempu evitando dafechu’l tiempu y adientrándose na televisión. Ta esperando a daquién. Y esi daquién llega tarde.
Cases (Jandro Llaneza, 2025)
Cases propón una mirada a les cases valeres que pueblen el territoriu asturianu. Siete hestories cuntaes dende l’aldea y protagonizaes por vecines que deciden zarrar la casa, negando la posibilidá de futuru al rural. Relatos sobre la migración, la represión de la dictadura, la masculinización del rural, la estigmatización y declive de los pueblos, la especulación y la turistificación conformen un mosaicu que narra l’abandonu y la matorralización que nos arrodia.
IUS del tiempo (Roberto F. Canuto, Xiaoxi Xu, 2025)
Luca, un mozu estudiante de fotografía, aporta a una aldea pa desendolcar un proyectu artísticu y reconectar coles raigaños. Ellí convive con Xuan, un queseru mayor con una personalidá reservada anubre un pasáu marcáu pol silenciu y el prexuiciu. Al traviés de la cámara de Luca y la rellación que va medrando ente ellos, los dos homes van redescubriendo la memoria, el deséu y el sentíu de pertenencia. Una hestoria sobre lo que cala a lo llargo de décades, y sobre lo que, a la fin, siempre atopa la manera de salir a la lluz.
