Qué ye La Benéfica
La Benéfica de Piloña ye una asociación cultural creada en 2021 que recuperó un antiguu teatru en L’Infiestu pa convertilu nun espaciu vivu de cultura, alcuentru y creación nel mediu rural.
Más que un teatru, somos un proyectu comunitariu que impulsa la participación del pueblu y el diálogu ente xeneraciones, conectando la memoria llocal coles espresiones del arte de güei en día.
Trabayamos dende la mediación cultural y l’aición colectiva, organizando actividaes y programes que reforcen l’arraigu, la identidá y el venceyu col territoriu.
Defendemos una cultura abierta y diversa, comprometida con futuros sostenibles, el respetu a les persones y al territoriu, y l’asturianu como llingua viva de comunidá y creación.
El nuesu propósitu ye caltener viva la historia de La Benéfica mentanto proyectamos el so futuru: un espaciu de referencia rural onde la comunidá seya protagonista y la cultura motor de tresformación.
En 2024 llevamos a cabu un procesu participativu pa definir un plan estratéxicu que marcare los oxetivos y aiciones a desarrollar pola organización nos siguientes 5 años.
hestoria
La nave de La Benéfica tuvo munches vides enantes de convertise nel espaciu cultural que ye güei.
Construyida en 1926, foi la sede de La Benéfica de Piloña, Sociedá de Socorru Mutuu, una asociación vecinal creada pa que les persones del pueblu pudieren ayudase mutuamente énte les dificultaes —enfermedaes, viudedad o falta de recursos— cuando l’Estáu entá nun ufiertaba esi sofitu.
Coles aportaciones de los sos socios y socies, la Sociedá llevantó una nave d’unos 400 metros cuadraos que funcionó como teatru, salón de baile, cine y llugar d’alcuentru.. Durante dos décades, aquel espaciu foi un símbolu de solidaridá, cultura y comunidá nel corazón d’Infiestu.
Esta pequeña utopía rural apagóse en 1946. . Dende entós, la nave pasó por distintes etapes: fábrica de dulces, aparcamientu y, finalmente, abandonu.
En 2021 decidimos reconstruyir La Benéfica pa devolver-y el so sentíu orixinal: ser un llugar d’alcuentru, sofitu mutuu y creación colectiva, adaptáu a los retos del presente.
L'equipu B
Ignacio Somovilla
Sergi Martí
Rodrigo Cuevas
Cristina Moreno
Antía Seijas
Yolanda González
Sergio Galán
Nay Semeya
Sergio Llunik
Ignacio Somovilla
Rodrigo Cuevas
Sergi Martí
Cristina Moreno
Antía Seijas
Yolanda González
Sergio Galán
Nay Semeya
