El Gran Cabaret vuelve a La Benéfica el próximu sábadu 23 de mayu. Un espectáculu cuasi llexendariu yá en Piloña, que namái quien tuvo l’añu pasáu puede imaxinar.

Dempués del éxitu de la primer edición, caltenemos el formatu de cuatro hores d’espectáculu (con descansu), pensáu pa públicu adultu, y ensin desvelar los grandes artistes que van participar: too van ser sorpreses, ¡oooohs! y ¡aaaaahs!

Amás, celebramos que fai esactamente 100 años que s’inauguró La Benéfica orixinal, la de 1926, asina que ye un bon homenaxe y una ocasión perfecta pa brindar xuntes por otros 100 años más.

Información importante pa les asistentes:

Entamu del espectáculu: 21:00h
Apertura de puertes: 19:00h

Venta d’entraes

14 d’abril → venta anticipada pa Amigues con Derechu a Roce y Derechu a Cucharita
(pa quien tenga la suscripción activa enantes del 6 d’abril de 2026)

20 d’abril → venta xeneral online (dende les 9.00 de la mañana) y na oficina de La Benéfica en L’Infiestu

Horario de venta na oficina: Martes, miercoles y xueves – de 10.00 de la mañana a 17.00 de la tarde, Calle El Quesu 11, L’Infiestu.

Esti añu reducimos llixeramente l’aforu a 350 entraes, pa tar más cómodes dientro y poder sostener meyor lo que pase na sala.

Precios

Entrada xeneral: 30€

Amigues con Derechos: 25€

Axustamos el preciu de la entrada pa poder cubrir los costes de producción del Cabaret. La recaudación de taquilla destínase dafechu a cachés d’artistes, equipu técnicu, arrendamientu d’equipamientu, desplazamientos y manutención.