Per Caleyes y Senderos II
Formes de facer cultura dende’l mediu rural
10, 11 y 12 de abril | Llugar: La Benefica de Piloña, L’Infiestu
Toles sesiones son abiertes y de baldre hasta completar l’aforu. Pa facer una estimación de públicu y conocer les tos necesidaes, inscríbite equí.
Fai dos años, en xunu de 2024, tuvimos en L’Infiestu les nuestres primeres Xornaes de Cultura nel Mediu Rural, trés díes d’alcuentros ente persones profesionales, aficionaes y amantes de la cultura. Esti abril volvemos a presentales, esta vuelta nel Antiguu Teatru de La Benéfica.
Esti añu vamos poner el focu na diversidá de la cultura nel rural.. Caminos cortaos, rotondes infinites, cruces inesperaos o enllenos d’escayos, paseos prestosos apegaos a un ríu, o puentes escaecíos que recuperamos. Formes diferentes de facer trabayu cultural nos nuestros pueblos.
Trés díes nos que vamos crear espacios d’alcuentru, aprender xuntes y esfrutar.
Na primer xornada, vienres 10 d’abril, vamos orientanosentender ónde tamos pa ponenos a caleyar. La segunda xornada, sábadu 11 d’abril, vamos andar al debalu y esplorar les llendes del trabayu cultural pa redirixinos, ampliales o xugar con elles. El tercer día vamos remocicar y desbrozar esos caminos, pa ver bien l’encruz que puede haber nos proyectos culturales, y rematar habitándolos baillando.
¿A quién van dirixíes?
Insistimos, estes xornaes tán pensaes pa cualquier persona artista, artesana, profesional de la cultura, dinamizadora o interesada no cultural que desenvuelva l’actividá nel ámbitu rural. Si participes o quies participar de dalgún proyectu, yes una persona creativa y tas comprometida col desenvolvimientu de la to comunidá, ¡estes xornaes son pa ti!
¡Apúntate!
Toles sesiones son abiertes y de baldre hasta completar l’aforu. Pa facer una estimación de públicu y conocer les tos necesidaes.
10 d’abril
I Xornada: Orientanos
16:00h-16:30h Bienvenida.
16:30h-18:00h Cruces: Diálogos pa
entender el trabayu cultural n’Asturies
Diálogu ente proyectos culturales del rural asturianu.
Nesta primer sesión de Cruces, xuntamos a dos museos, a dos festivales y a dos asociaciones de vecines pa preguntase mutuamente y compartir aprendizaxes y esperiencies. El sábadu continuamos el diálogu con artistes, centros sociales autoxestionaos y pequeños negocios culturales nel rural asturianu.
- Museu Pozo Sotón (San Martín del Rey Aurelio) y Ecomuséu La Ponte (Santo Adriano)
- Festival Jazz Tolivia (Llaviana) y Prestoso Fest (Cangas de Narcea)
- Asociación Vecinal de Pillarno (Castrillón) y Asociación Vecinal de Rozaes (Villaviciosa)
18:15h-19:45h Al debalu
Salimos de Calle Covadonga, 6 (plaza ente la Ilesia y la Casa Conciyu, a la vera del Café Venecia).
Caleyar pel pueblu de L’Infiestu pa pensar caminando sobre posibilidaes del trabayu cultural y la definición de cultura.
A partir de les 20.00h, ¡xuntanza nel Chigre Cultural La Maléfica!
11 d’abril
II Xornada: Les llendes
10:00h-10:30h Bienvenida.
10:30h-12:00h Cruces: Diálogos pa entender el trabayu cultural n’Asturies
Nesta segunda sesión de Cruces, xuntamos a dos artistes y artesanes, a dos centros sociales autoxestionaos y a dos negocios con enfoque cultural pa preguntase mutuamente y compartir aprendizaxes y experiencies.
- Alba Matilla (Avilés) y Paz Ferreira (Santolaya d’Oscos)
- CSA L’Aviru (Morcín) y CSA L’Apiaderu
- Librería Pimiango (Ribadedeva) y Bar Tienda Bruxa de Muniellos (Cangues de Narcea)
12:30h-13:30h Ente llendes
Ente llendes ye una dinámica caminada pensada pa facilitar l’alcuentru ente les persones participantes
nesta edición de Per Caleyes y Senderos. Con pequeñes propuestes de conversación en movimientu, vamos dir conociendo los proyectos, trayectories y intereses de quien formamos parte del alcuentru, xenerando un espaciu cercanu y horizontal que va más allá de les presentaciones formales. Una forma cenciella de romper el xelu, texer conexones y abrir conversaciones que van poder siguir dempués, na xinta.
14:00h-15:30h Xinta Popular: ¡Trai comida pa compartir!
Colocaremos unes meses pa comer toes xuntes y vamos tener la barra abierta con bébora. Invitámoste a traer comida y a compartir entre toes esti ratín pa siguir charrando y conociéndonos.
16:00h-17:00h La rotonda infinita: Consultoriu con Galaxxia
Podcast en directu con Galaxxia (nada colectivo). La rotonda son los bucles nos qu’entramos trabayando en cultura: les declaraciones de Facienda poco clares, los presupuestos infieles, les distancies ente les subvenciones y la realidá y los conflictos ente proyectos. Galaxxia proponen esti espaciu d’escucha, comedia y emoción p’abordar estos temes nun episodiu especial de “Cultura con acento”, de La Casa Encendida Radio.
La Casa Encendida Radio.
17:30h-19:30h Artista de día, autónoma de noche
Taller teórico-prácticu con Ramona Cueto
Si trabayes como autónoma, si formes parte d’una asociación cultural, una cooperativa, una pequeña empresa o un colectivu sin forma xurídica tovía, esta sesión puede interesate. Vamos trabayar con casos reales del mundu cultural rural: situaciones cotidianes rellacionaes cola fiscalidá, la contratación, les subvenciones, les formes xurídiques y la rellación con Facienda y la Seguridá Social. Coses que pasen de verdá, resueltes de forma práctica y en grupu.
20:30h-21:30 Performance “El esfuerzo constante de ganarse la vida”
‘El esfuerzo constante de ganarse la vida’ ye una performance onde se trabaya lo mínimo, lo xusto y lo que’l protagonista entiende por razonable. Va contanos lo que piensa de la disciplina, del trabayu del baillarín y del secuestru del nuestru tiempu. Va contanos cómo se siente al repetir ocho hores al día la mesma acción nuna fábrica o cómo queda’l cuerpu al baillar el mesmu espectáculu cinco años. Y pa poner el ramu va contanos unos chistes, equí va ún como exemplu:
”Toos sedríemos más felices si trabayásemos de lo que nos gusta. Nel mio casu ta mui malo d’atopar trabayu de macarrones con quesu.”
- Una idea de Vicente Arlandis.
- Masaxista: Atropos Belladona.
- Una producción de Taller Placer.
12 d’abril
III Xornada: Remocicanos
10:00h-10:30h Bienvenida.
10:30h-12:00h L’encruciyada: La institución y facer cultura nel rural asturianu
Espaciu de debate abiertu col públicu a partir de reflexones xeneraes nel grupu de trabayu formáu por tres axentes de diferentes instituciones y tres trabayadores culturales independientes. Nesta sesión tol mundu puede participar, tengan esperiencia nel tema o lo desconozan dafechu. Los resultaos van valir pa crear una serie de recomendaciones tanto pa instituciones como p’axentes independientes.
12:30h-14:30h Pieslle de les Xornaes con “De la siesta a la fiesta”
De la siesta a la fiesta ye una esperiencia sensorial y colectiva, a partir d’un momentu de pausa y de disfrute.
Tresformamos La Benéfica de Piloña pa imaxinar una manera nueva d’habitar l’espaciu—al traviés de la escucha, el movimientu y la pausa— y pa esperimentar una forma nueva de ser espectador/a, deslligada de la vista.
Trái esterilla y sacu pa esfrutar.
Actividá de descansu activu con Mara Sannia e Irene Aguilera de POMPA
Estes xornaes son parte del proyectu “Xornaes Per Caleyes y Senderos, Segunda Edición”, financiáu pol Ministeriu de Cultura y Deporte, nel marcu de les Ayudes pa l’Acción y Promoción Cultural de 2025.
