LA BENÉFICA X
CUÉVANO

SÁBADU 19 D'AVIENTU, 21:00 (APERTURA 20:30)

Yá sabéis que en La Benéfica tamos namoraes del amor. Somos fáciles, namoradices, llixeres, como queráis llamanos. Hai, amás, propuestes artístiques que nos enllenen y nos emocionen, que queremos que vengan a L’Infiestu pa poder disfrutales nel nuestru queríu teatru.

Nesta ocasión el flechazu ye por Cuévano, un grupu de música asturiana nacíu dende’l respetu pola tradición y les ganes de da-y una voz viva y actual. Beben de les melodíes y ritmos de siempre, de la tierra y de la memoria colectiva, combinando instrumentos tradicionales con una mirada abierta al presente. Cada canciu ye una forma de contar Asturies: la so hestoria, la so xente y les sos emociones.

El Grupu Cuévano nació ensin acta fundacional nin voluntá de protagonismu, como nacen les coses que tienen fondura: al calor de la pallabra compartida. Les sos primeres xuntances tuvieron llugar na Taberna Polesa, un chigre que yera muncho más qu’un llugar pa beber. Yera un espaciu d’alcuentru pa persones diverses, venceyaes pol interés pola cultura asturiana y la necesidá de pensar el país dende una mirada propia.

Poco a poco, esi grupu habitual de xente foi reconociéndose como colectivu. El nome “Cuévano” surdió de manera natural, evocando raigañu, fondura y refugiu, como un llugar onde caltener lo valioso. Nun foi una decisión solemne, sinon una pallabra que definía bien l’espíritu d’aquelles xuntances na taberna que dai nome al grupu.

Tiempu dempués surde Cuévano, el primer discu del grupu col mesmu nome, que naz como un viaxe sonoru nel que s’entemecen raigaños, emociones y paisaxes. Un trabayu que mira hacia dientro ensin perder de vista’l mundu que lu arrodia, onde cada cantar construye un espaciu propiu y les melodíes dan voz a lo que munches veces nun sabemos dicir. Cuévano ye identidá, fusión y espresión; un diálogu ente la tradición y les ganes de descubrir nuevos caminos. Un discu fechu dende la honestidá, la llibertá y l’amor pola música y polo nueso.

Back To Top

Si quieres colaborar con nosotros, conocer más sobre el proyecto o simplemente tienes alguna duda os sugerencia no dudes en ponerte en contacto con nosotres.

¿Dónde estamos?

Plaza la Benéfica
L’Infiestu
33530, Piloña (Asturies)
hola@labenefica.org

¿Alguna duda o incidencia con Amigues con Derecho?
Redes