Cursos de baille y teatru
Ye verdá qu’en La Benéfica solemos tener eventos puntuales, pero tamién contamos con cursos de continuidá nos que poder venos les cares guapes toles selmanes.
2026 empezámoslo fuerte y dámos-y vida a una propuesta nueva: L’ESTAME ¡un espaciu de creación teatral!
Sergio Martínez Vila, dramaturgu, escritor y director, va guiar al grupu a crear una pieza teatral colectiva na que se reflexen les esmoliciones y motivaciones de los y les participantes. La maxa va dase los miércoles, de 19 a 21.30 ente xineru y mayu, en La Benéfica de Piloña. Ye una actividá de baldre na que nun fai falta esperiencia, pero sí ganes de pasalo bien y empezar a xugar cola creatividá y la imaxinación nesti espaciu de creación escénica.
Más info
- Pa mayores de 16 años.
- Teléfonu de contactu: 687485043 (vía Whatsapp)
Amás, yá contamos dende ochobre de 2025 coles famoses clases de baille y pandereta de Santi Galguera, que nesta ocasión vien acompañáu por Marco Zarabozo.
Toles clases son los llunes pela tarde:
- Marco ta al mandu de La Benéfica: baille pa la reciella a les 16.30h. Amás, tamién hai güecu pa la xente adulto: a les 17.30h pandereta iniciación y a les 18.30h baille iniciación. pandereta iniciación y a les 18.30h baille iniciación.
- Santi encárgase de la Sala Polivalente: nivel intermedio de baille a les 18.30h, baille avanzáu a les 19.30h y pandereta avanzáu a les 20.30
Yá sabéis lo importante que ye pa nosotres caltener viva la tradición, y eso, Santi y Marco faenlo de maraviya.
Más información: 680 52 17 99 (Santi).
