Antroxu en Danza 26
Un añu más, el Antroxu vuelve a L’Infiestu… y vuelve como nos presta: con baile, con xente, con vecines y con un poco de caos organizáu. L’Antroxu en Danza ye una iniciativa que comenzó cola unión de varies asociaciones de Piloña, dende va yá unos cuantos años. La Asociación Riu Fontoria, la banda y asociación LaKadarma o El Prial, son delles colectivos que participaron de los primeros empurries desta fiesta y colos que tamos bien agradecíos. Tampocu nos olvidamos de les nuestres voluntaries, ensin quienes nun podríamos nin soñar tar onde tamos.
Pa nosotres l’Antroxu ye un procesu abiertu, un día llargu (y guapu) pa reconocenos y pa decir dalguna verdá, transgrediendo y burlando lo establecíu baxo’l disfraz.
Dende La Benéfica apostamos por una cultura viva, por eso esti Antroxu vuelve a salir del trabayu colectivu, de la implicación directa de la xente de L’Infiestu y alredores. Aquí cada quien aporta lo que sabe, lo que puede o lo que-y apetez. Y con eso, abonda.
Si tienes curiosidá por cómo fueron los antroxos piloñeses d’otros años, la nuestra fotógrafa de confianza Naýda Semeya estrena una exposición sobre ello el 14 de febreru, que tará’l mes enteru adornando les parees del chigre cultural La Maléfica, na cai del Quesu, 11.
¿Y qué vamos facer esti añu?
Apuntái, que hai plan pa tol día y pa tolos cuerpos:
- Cabezudos en Piloña: la recuperación d’una tradición, a partir de les 12 h.
- Vermut con bandina, a partir de les 12:30h na carpa del patiu La Benéfica.
- Voces del Antroxu de Radio Barullu a pie de cai: a partir de les 12h cola rapazada del IES L’Infiestu.
- Fabadona popular a 12€, con opción vegana (que equí nun se queda naide sin comer): a les 13:30h. Los tickets véndense na carpa a partir de les 12h. Avisamos: quien prueba, repite.
- Desfile peles cais de L’Infiestu, a les 16:30 h.
- Concursu de disfraces de la reciellaa les 19h. Premios pa disfraz individual y colectivu.
- Nueche en Danza y escenariu abiertu: a les 19.30h. Pa baillar hasta que’l cuerpu aguante.
- Concursu de disfraces d’adultos: a les 22:30h. Premios pa disfraz individual y colectivu.
- Y pa cerrar la noche por too lo alto…Dúo Impresión: a les 23h, ¡una verbena amorosa pa tol mundu!
Voces del Antroxu: la rapazada y
Radio Barullu a pie de cai
De xuru que ya vos suena Radio Barullu: la radio que impulsamos desde La Benéfica gracies a la incorporación del mediador y fantástico Álex Martínez. Radio Barullu tien dos pates principales: una ye una radio participativa, que polo de agora tien un programa selmanal que cuenta lo que pasa en Piloña y alrededores al través d’entrevistes sobre too (y que amás ta abierta a collaboraciones, lo decimos desde ya). La otra pata ye la collaboración coles escueles de la zona, tanto col CEIP L’Ablanu, como col CRA La Coroña y el Instituto de L’Infiestu.
Nel grupu de trabayu del instituto, precisamente, anden investigando sobre la tradición del Antroxu y la su rellación con elementos de la naturaleza, como’l maíz, por exemplu. ¿Y por qué vos contamos esto? Pues porque van tar esti añu pol espaciu contando y entrugando a la xente sobre lo aprendido na so investigación. Asina que ya sabéis, si atopáis a unes moces y a unos mozos con micrófonos per ehí, podéis acercavos a deprender y curiosear de buena mano.
En el grupo de trabajo del instituto, precisamente, están investigando sobre la tradición del Antroxu y su relación con elementos de la naturaleza, como el maíz, por ejemplo. ¿Y por qué os contamos esto? Pues porque este año estarán por el espacio contando y preguntando a la gente sobre lo aprendido en su investigación. Así que ya sabéis: si encontráis a unas chicas y chicos con micrófonos por ahí, podéis acercaros a aprender y curiosear de primera mano.
Los cabezudos vuelven a desfilar (y traen visita)
Una de les grandes novedaes —y alegríes— d’esti Antroxu ye la recuperación de los cabezudos de Piloña. Tres los talleres impartíos pol artesanu Rodrigo García Istillarty, de Puerto Vega, los nuestros cabezudos tan más que preparaos pa conocer les cais de L’Infiestu. Un grupo de voluntaries y vecines de Piloña, lleven xuntándose dende’l pasado Antroxu (en marzu de 2025) pa crear desde cero estos personaxes. Como manda la tradición, van desfilar personaxes célebres y mitolóxicos de la zona, ¡a ver si los reconocéis a toos! Pa davos pistes, a les 12h, vamos entamar el día explicando’l procesu y la identidá de cada cabezudo.
Y como les coses bones, cuando se comparten, saben meyor, esti añu van voler xuntase colos sos primos: los Cabezudos de Puerto Vega. La Comisión de Fiestas de Ntra. Sra. de la Atalaya vuelve a Piloña por tercer añu consecutivu, y otra vuelta más desfilarán con nós.
Baillar ya cantar, too ye empezar
El Antroxu ye memoria, pero tamién ye presente. Ye crítica, ye humor y ye descaru. Por eso, nel desfile vamos cantar coples d’antroxu que cuenten tolo que pasó esti añu en Piloña, una forma de facer muy típica nos carnavales de tol mundu y que nos llena de gozo.
Nun nos olvidamos tampocu de la parte central desti día, la Nueche en Danza.. Sabemos que l’añu pasáu tuvimos muchu llenazu y fue mui difícil baillar, sobremanera pa la xente que lleva muchos años baillando y esfruta les nueches en danza desde ehí. Esti añu vamos cuidar esta parte de la meyor manera que sabemos: poniendo muchu esfuerzu na comunicación y pidiendo a la xente asistente (que sabemos que sois chulísimes y educadísimes) consciencia pa qu’haya huecu pal baille.
El restu de la programación nun tien más misteriu, pero si daqué nun vos suena pa nada, siempre podéis venir a dexaros sorprender.
Como siempre, gracies por lleenos, y ¡vémonos nel teatru!
