LA BENÉFICA X
BOYANKA KOSTOVA

Yá sabéis que en La Benéfica tamos namoraes del amor. Somos fáciles, namoradices, llixeres, como queráis llamanos. Hai, amás, propuestes artístiques que nos enllenen y nos emocionen, que queremos que vengan a L’Infiestu pa poder disfrutales nel nuestru queríu teatru.

Boyanka Kostova son pioneros del trap en gallegu, la so deriva hacia la electrónica llevó-yos a convertise en referentes d’una suerte d’urbantrónica xabaz.

Nel 2026 celebren el décimu aniversariu, nel que van ofrecer una serie de conciertos especiales y acaben de publicar “X”, el séptimu y nuevu álbum n’abril, que van presentar tol añu y que cuenta con collaboraciones d’artistes como Joe Crepúsculo.