TRESPARENCIA
La Benéfica existe gracies a munches persones: quien participa nes actividaes, quien trabaya nel proyectu, quien collabora como voluntaria o fai donaciones, y tamién les instituciones y organizaciones que nos sofiten. Por eso creemos que ye importante esplicar con claridá cómo se financia’l proyectu y en qué s’utilicen los recursos. La tresparencia ye una forma de cuidar la confianza de la comunidá que fai posible La Benéfica.
El nuestru modelu económicu ye híbridu: nun dependemos d’una única fonte d’ingresos, sinón que combinamos distintes víes pa sostener l’espaciu, la programación cultural y les actividaes que realizamos a lo llargo del añu. A midida que’l proyectu medra, l’equipu va profesionalizándose y l’edificiu precisa caltenimientu y meyores. A continuación esplicamos d’ónde vienen los ingresos y en qué s’utilicen, y más embaxo puedes consultar les cuentes y memories de cada añu.
INGRESOS
Donaciones
Dende’l principiu, munches persones sofitaron el proyectu con donaciones, campañes de financiación colectiva o aportaciones como Amigues con Derechos. Esti sofitu foi fundamental pa poner en marcha La Benéfica y siguir desenvolviéndola. Equí inclúinse tamién les donaciones d’Empreses Amigues. La Xunta Directiva tamién fixo importantes aportaciones pa la rehabilitación del edificiu nos últimos años.
Hostelería
Nesti apartáu reflexamos los ingresos xeneraos poles ventes na barra de La Benéfica; dende’l 19 d’avientu de 2025 inclúi tamién La Maléfica.
Subvenciones públiques
Hasta agora recibimos subvenciones en réxime de concurrencia competitiva de la Conseyería de Cultura del Principáu d’Asturies y del Ministeriu de Cultura pa la realización de determinaes actividaes culturales; puedes ver los detalles nes distintes anualidaes. En 2025 recibimos, per primer vegada, una subvención nominativa de la Dirección Xeneral de l’Axenda 2030 de la Conseyería de Vivienda y Derechos Sociales.
Fundaciones / Entidaes privaes
Tamién tenemos alcuerdos de collaboración con fundaciones privaes: delles aportaron a la rehabilitación, otres a actividaes culturales y otres a la contratación de personal. Más detalles en cada anualidá.
Venta d’entraes
Algunos de nuestros eventos son con entrada de pago. En el caso de eventos organizados por nosotros, si se cobra entrada es únicamente para cubrir los costes de producción del espectáculo. Cuando son eventos organizaos por terceros, sobre too conciertos, la entrada cóbrala directamente l’artista.
Arriendu del espaciu
Arrendamos l’espaciu pa la realización de determinaes actividaes organizaes por otres entidaes o colectivos. Les solicitúes valórense de forma individual, teniendo en cuenta l’encaxe cola actividá del espaciu, el respetu a los valores del proyectu y la convivencia cola programación propia.
GASTOS
Producción y programación cultural
Ye’l nuestru principal gastu añal. Inclúi tolos costos necesarios pa facer posible les actividaes culturales: cachés d’artistes, honorarios técnicos, alquiler d’equipos, infraestructures temporales y otros gastos vinculaos a conciertos, teatru, cine, talleres y otres actividaes.
Equipu estructural de La Benéfica
En esta partida incluimos a las personas que trabajan de forma estable para que el proyecto pueda funcionar a lo largo del año. Aquí se recogen tanto los contratos laborales como los servicios profesionales de personas autónomas que colaboran de manera continuada en áreas como comunicación y redes sociales, diseño gráfico, web, contabilidad o administración. La Xunta Directiva nun recibe nengún tipu de remuneración.
Inversión y caltenimientu del espaciu
Inclúi los gastos rellacionaos cola rehabilitación, meyora y caltenimientu del edificiu.
Gastos fixos de funcionamientu
Suministros, seguros, impuestos como l’IBI y otros costos necesarios pa que La Benéfica funcione nel día a día.
Aprovisionamientos
Compres pal funcionamientu del chigre: bébora, alimentos y otros productos.
Otros gastos
Otros gastos menores como comisiones bancaries, gastos financieros o impuestos.
CONSULTA EQUÍ LES CUENTES AÑALES
LO QUE FIXIMOS HASTA AGORA
Dende la so reapertura, La Benéfica foi recuperando adulces la vida cultural d’esti antiguu teatru y volviéndolu al llugar que siempre tuvo nel pueblu: un espaciu onde atopase.
Cada añu organizamos más de 30 actividaes abiertes y gratuites, a les qu’asisten más de 3.000 persones.. Amás, l’espaciu cédese de baldre pa qu’ asociaciones y colectivos del conceyu puedan desenvolver equí les sos iniciatives.
El proyectu tamién foi xenerando emplegu cultural nel territoriu. Anguaño l’equipu ta formáu por 5 persones contrataes de forma indefinida y 5 profesionales autónomos que collaboren de manera estable.
Intentamos amás que l’actividá revierta na economía local: trabayamos con proveedores del entornu y priorizamos les compres nel pequeñu comerciu de Piloña, siempre que ye posible.
Too esto failo un equipu pequeñu y una comunidá mui implicada. Como en cualquier proyectu vivu, hai coses que salen bien, otres regular y munches nes que siguimos deprendiendo. La Benéfica nun ye un proyectu termináu, sinón daqué que se constrúi cada día ente munches persones.
