Enamoraes de El Remiendu
Menos drama,
más arreglu
Esti San Valentín fae un favor (a ti y al armariu) y fae huecu a lo nuevu. Ye’l momentu de despedite d’esa camiseta olvidada de tu ex que nun te atreves a tirar. Sí, esa mesma. La que sigue ellí, ocupando espaciu y recuerdos innecesarios.
Y ya que tás… trae tamién esi llibru que xuraste devolver y nunca volvió a casa, esa lámpara hortera que sobrevivió a más mudances que’l tu corazonín, esos pantalones que nun t’entren dende va años pero sigues guardando “por si acasu”. Spoiler: nun va pasar.
Súperalo. Véndelos. Deixa que otra persona s’enamore d’ellos. Tú sales ganando, elles tamién.
Porque soltar ye sanu. Cargar con trastos que solu estorben, non. Quiérete un pocu, déxalo dir y fai sitiu pa coses que te fagan dicir: “sí, quiero”.
Mercáu de segunda mano en La Benéfica
Enamoraes de El Remiendu ye un mercáu de segunda mano pa reciclar, remendar, compartir saberes y rirnos un poco del amor románticu y del consumu ensin sentíu. Un día pa dar segundes oportunidaes: a les coses… y a nós mesmes.
- 📍 La Benéfica (Infiesto)
- 📅 Sábadu, 14 de febreru
- 🎟️ Entrada de baldre tol día
Y sí: va haber comida nel recintu, que reciclar abre munchu l’apetitu.
Los menores d’edá son super bienveníos, si son menores de 12 años preferiblemente acompañaos d’un adulto.
Si tienes un animalín peludu al cargo (nos referimos sobremanera a perros) ten en cuenta que nun va poder entrar nel recintu.
Programa del día (pa que nun te pierdas)
- 11:00 · Apertura del mercáu
11:30 – 13:00 · Mesa redonda: Moda sostenible, reutilización y tradición
Con Raxada Project, Resastre y Loli, vecina de Llozana - 13:30 – 14:30 · Taller d’iniciación a la costura
(puntos básicos, remiendos y retales). A partir de 12 años - 16:00 – 17:00 · Taller d’estampación textil, primer turno
(parches y customización), impartíu por Covadonga Ilustra. A partir de 7 años - 17:30 – 18:30 · Taller d’estampación textil, segundu turno
(parches y customización), impartíu por Covadonga Ilustra. A partir de 7 años - 19:00 · Cierre (col corazón más ligeru y la bolsa más enllena)
- 11:00 · Apertura del mercáu
¿Quies poner puestu?
Hai convocatoria abierta pa puestos del 26 de xineru al 8 de febreru.
👉 Tola información y el formulariu d’inscripción tan disponibles en nesti enllaz.
¿Y los talleres?
Pa los talleres ye necesario apuntase previamente.
Les inscripciones faense a través de los enllace
Les places son llendáes, asina que nun lo dexes pa mañana (como esi pantalón que nunca volviste probar).
Ven, recicla, enamórate otra vez
Vente esti sábadu al mercáu. Igual vendes algo que ya nun ye pa ti. Igual atopas eso que llevabes tiempu buscando. Igual namás pasas un bon día, que tampocu ta mal.
