Artesanía Viva (Convocatoria)
Creación d'un
Espaciu Efímeru
Queremos afondar creativamente nos procesos d’ellaboración artesanal y convetirlos n’escenes, onde les miraes y los tiempos lentos reconstruyen una forma de pescanciar artísticamente les acciones que nos lleven a los productos fechos manualmente y que dediquen el tiempu y la sabiduría remota.
Atopanos cola materia, entender los sos colores, el soníu, los relatos, les sos formes… hasta convertise en pieces úniques. Un escenariu efímeru, únicu, qu’alluga l’alma del saber facer, feble, ellaboráu y cuayáu col ciñu d’atalantar que cada productu o pieza ye un ser con vida y memoria propia.
Pa ello, trabayamos a comuña con Mónica Cofiño (La Xata La Rifa), quien va guiar tol procesu creativu y escénicu, y con ADRIOA, al traviés del proyectu Espacios Efímeros.
¿Qué buscamos?
Artesanes y artesanos de Piloña y conceyos de la redolada que quieran participar nuna instalación artística y performance que va poner en valor los procesos d’ellaboración de l’artesanía asturiana.
Xente con ganes d’amosar el so oficiu d’una manera distinta, de xugar cola escena, de rise, esperimentar y rescamplar el so llau más performativu, dexando que’l xestu, la ferramienta y la materia se conviertan tamién en protagonistes.
Nun fai falta que sía’l to mediu de vida: buscamos lo mesmo a artesanos profesionales qu’a persones que remanen un arte, un oficiu o una técnica y quieran compart.
Fecha y llugar de l’acción escénica
Sábadu, 13 avientu de 2025, en La Benéfica Piloña, L’Infiestu.
Llinia conceptual
La propuesta reivindica l’arguyu local y ofrez una mirada contemporánea sobre los oficios, entendiendo la artesanía como un patrimonio vivo. No solo se muestra el objeto final, sino también el el procesu: los xestos, los tiempos y les técniques tresfórmense nuna puesta n’escena.
Conque convidamos a mirar los productos artesanales dende otra perspectiva, atendiendo a la materia primo, les ferramientes, los soníos, les histories y los relatos que-yos dan vida.
Quién pue presentase
- Persones y talleres d’artesanía (individuales o colectivos) con actividá en Piloña o conceyos de la contorna.
- Oficios almitíos (exemplos non privativos): llana, madera, cueru, testil, quesu, cestería, cerámica, forxa, papel, grabáu, instrumentos, alimentación artesano, sidra, etc.
Qué proponemos
- Acompañamientu creativu con Mónica Cofiño (La Xata la Rifa) pa diseñar una pieza/acción que va amosar los procesos del oficiu nuna instalación colectiva y acción performativa.
- Integración nuna instalación colectiva efímera y participación na performance del 13 d’avientu, abierta al públicu de baldre.
- Difusión del trabayu y del relatu del taller.
Qué pidimos (propuesta de participación)
Unvia un corréu llectrónicu a laxatalarifa@gmail.com con:
Asuntu: Convocatoria Artesanía Viva – [El to nome/oficiu]
Ficha breve (máx. 1 páxina):
- Nome/apellíos o nome del taller
- Conceyu/parroquia
- Oficiu y materiales
- 3–5 fotos del procesu/obra (enllaz o axuntu <10 MB)
- 3–5 ringleres sobre’l to procesu (qué te gustaría amosar n’escena)
- Teléfonu de contactu y Instagram/web (si tienes)
Disponibilidá: Confirma que pues ensayar (1–2 sesiones) y actuar el 13 avientu.
Calendariu
Convocatoria: Abierta hasta’l 30 ochobre
Escoyeta y comunicación de resultaos: primer selmana de payares
Sesiones de trabayu/ensayu con Mónica Cofiño: ente’l 1 y el 13 d’avientu (feches por concretar)
Montaxe y performance: 13 avientu en La Benéfica.
Criterios d’esbilla
- Calidá del oficiu y claridá del procesu a mostrar.
- Adecuación a la escena efímera (tiempu, seguridá, loxística).
- Bayura d’oficios y equilibriu territorial.
Sofitos
- Acompañamientu artísticu y producción básica.
- Espardimientu en redes y materiales del proyectu.
- Cada persona escoyida va recibir una compensación por participar destinada a cubrir parcialmente gastos de desplazamientu y tiempu invertío.
Notes
- La organización va poder documentar (foto/videu) l’actividá pa la difusión non comercial, citando l’autoría.
- Duldes y unvios: laxatalarifa@gmail.com
