La Benéfica, en “Lo meyor de la cultura 2024”
L’Observatoriu de la Cultura (Fundación Contemporánea) vien de facer públicu, yá por tercer añu consecutivu, que La Benéfica de Piloña ta incluyida nel so llistáu añal de “Lo meyor de la Cultura 2024”. El ránking recueye les meyores iniciatives culturales del añu, clasificaes por ciudaes, comunidaes autónomes y apartaos específicos
Esti reconocimientu supón un espaldarazu
importante pal proyectu que tamos
desenvolviendo en Piloña.
triple reconocimientu
Nesta edición, como yá asocedió l’añu pasáu, La Benéfica apaez como proyectu cultural destacáu en tres categoríes diferentes: “Lo meyor de la cultura nel mediu rural”, “Proyectos exemplares pol so compromisu social y col desarrollu sostenible” y “Les novedaes culturales más destacaes”.
L’Observatoriu de la Cultura ellabora dende 2009 una serie de ránkings y indicadores relacionaos cola actividá cultural de les diferentes comunidaes autónomes y ciudaes. P’aplicar esta consulta, unviaron un cuestionariu a un panel formáu por 1.040 profesionales de primer nivel del ámbitu cultural n’España.
Esti reconocimientu certifica que l’actividá de La Benéfica de Piloña tresciende más allá de les fronteres d’Asturies y supón un nuevu espaldarazu pa un proyectu qu’espera vivir en 2025 ún de los sos años clave pal so desendolcu.
